Rugby pretdag by Coronation Park trek skare

Van vroeg Saterdagoggend af het daar groot opgewondenheid by Coronation Park geheers toe kinders van sewe laerskole in die Laeveld bymekaar gekom het vir Barberton Junior Rugby Klub se jaarlikse vriendskaplike rugbydag.

Afgesien van die tuisspanne van Barberton Laerskool en die Barberton Junior Rugby klub was die besoekende skole Badplaas, Numbi, Komatipoort Akademie, St Peter’s en Nelspruit Primary.

Reg van die begin af het die jong spelers gewys dat hulle alreeds weet waaroor alles gaan as dit by die spel kom en het hulle op die veld uitgedraf soos wafferse menere.

Dit was duidelik dat die die meeste van toeskouers elke oomblik geniet het. Ongelukkig het ‘n handjievol ondersteuners hulleself so verloor dat mens kwalik kon glo dat hierdie ‘n vriendskaplike rugbydag was en dat dit maar jong kinders was wat deelgeneem het.

Elke speler wat Saterdag op die veld gedraf het, kan met reg trots wees op homself, ongeag of hulle in die stof gebyt het of nie. Barberton se junior rugbyklub kan hulself ook gerus op die skouer klop met puik organisasie.

Die puntetellings was as volg:

O/9:

Nelspruit Primary wen Barberton in twee wedstryde met 20 en 15 onderskeidelik.

Numbi wen Komatipoort 7-0

Komatipoort wen Curro 10-5

Nelspruit Primary wen Curro 17-10

O/10:

Barberton en Komatipoort speel gelykop met 7 elk

Barberton wen Nelspruit Primary 14-12

O/11:

Barberton en Curro speel gelykop met 10 elk

Barberton wen Nelspruit Primary 5-0

O/13:

Nelspruit Primary wen Barberton 1ste 10-5

Barberton 1ste wen Curro 10-5

Badplaas wen Barberton 2de 7-10

Barberton 2de wen Nelspruit Primary 31-0

Numbi wen Komatipoort 12-7

Nelspruit Primary wen Komatipoort 12-0

St Peter’s wen Nelspruit Primary 17-0

Badplaas wen St Peters 15-0

Numbi wen Curro 5-0

Nelspruit Primary wen Numbi 26-0.