Swemmers hou plaaslike klub se naam hoog
Twee laerskoolswemmers het ook goed presteer.
Swemmers van die plaaslike Wildgeeseklub het in Maart aan die vlak 1 SuidAfrikaanse kampioenskappe in Mbombela deelgeneem.
Hulle het altesaam 37 medaljes verower. Duné Buytendag het sewe goue medaljes losgeswem en met die trofee as beste senior swemmer huis toe gekeer. Mauritz Bam het ’n goue, vyf silweren een bronsmedalje verower en Liese van Eeden twee goues, ’n silwer- en vier bronsmedaljes.
Henry Nolte spog met ’n goue, vier silwer- en ’n bronsmedalje en Ernst Nolte met twee silwer- en drie bronsmedaljes. Josua Janse van Vuuren het twee bronsmedaljes losgeswem.
Twee laerskoolswemmers, Esmari Weitz (een brons) en Amy de Bruyn (twee brons) het ook goed presteer.
Afrigter Martie Vitus waardeer veral Hoërskool Rob Ferreira se beskikbaarstelling van hul geriewe. “Dis te danke daaraan dat swemmers so goed op hierdie vlak kon presteer,” sê sy.
Belangstellendes kan met Vitus in kontak tree by 082-660-2896.
