Daar was 120 gaste by die spoggeleentheid. Die skool wil graag Greenway Woods wat gehelp het met die kos en die gedeeltelike borg daarvan, bedank.

Die leiers van 2019 het ‘n baadjie aan elke nuwe leier se ouers gegee om vir hul kinders aan te trek.

Die prefekte het ook ‘n onderneming gedurende die aand geteken. ‘n Nuwe tradisie is begin waar die ou leiers ‘n kers aansteek en dit oorhandig aan die nuwe leiers. Dit was ‘n baie suksesvolle aand en die skool sien uit om ‘n pad te stap met hul nuwe leiers.