Immergewilde Juan Boucher tree in Mbombela op
Vriende en familie van die Laeveld het die onlangse vertoning van die bekende sanger en liedjieskrywer, Juan Boucher, terdeë geniet.
Die bekende sanger en liedjieskrywer, Juan Boucher, het Laevelders Saterdag, 6 April, by Mustangs – The Dancing Place vermaak.
Dit was een van Mustangs se familievertonings. Die hekke het om 17:00 geopen en Boucher se optrede het om 20:00 begin. Die vertoning was uitverkoop en ‘n groot sukses, sê Mustangs se Delna Jansen van Rensburg.
Te oordeel aan die hoeveelheid mense by dié kuierplek, val Boucher se musiek in meer as net ‘n paar inwoners se smaak. Oud en jonk het voor die verhoog saamgedrom, die reën getrotseer en saam gesing en dans.
Boucher het van sy bekende liedjies soos “Almal wil ‘n huisie in die bos hê” en “Dogter” gesing. Hy sê dat dit sover sy gunstelingoptrede vanjaar was.
Lees ook: Francois de Jager and Megan Botha conquer muddy mayhem to claim wins at Sappi Mankele Challenge
