Laerskool Bergland het op 6 November tydens die jaarlikse Interfase- (gr. 4-7) erkenningsplegtigheid die leerders wat op akademiese, kulturele en sportgebiede presteer het vir hul harde werk deur die jaar beloon.

Daar is ook met die diensbaarheids-toekenning erkenning gegee aan diegene wat altyd bereid was om die ekstra myl vir hulle skool te loop.

Tydens die spoggerige aandfunksie, waarna ‘n handjievol uitgesoekte leerders genooi is, is die skool se uitblinkers vereer. Laerskool Bergland se nuwe hoofleiers vir 2025 is ook tydens dié geleentheid aangekondig.

Spesiale toekennings:
• Duxleerder: Pieter Prinsloo
• Voortreflikste leerder: Annie Bester
• Senior kultuurleerder van die jaar: Detrich de Ruiter
• Senior sportdogter van die jaar: Annie Bester
• Senior sportseun van die jaar: Brian Moosa.

Die leerders wat die skool volgende jaar gaan lei:
• Hoofdogter: Lelani Bothma
• Hoofseun: Charles Schreuder
• Onderhoofdogters: Liani Stassen en Ruby Todd
• Onderhoofseuns: Louis Coetzee en Henro Pringle.