Die dames het ekstra hard geskreeu toe Brendan Peyper Saterdagaand, 7 Maart, op Mustangs – The Dancing Place se verhoog uitstap.

Peyper het in die Laeveld kom kuier en die gehoor tydens sy vertoning verras met nuwe liedjies en ou gunstelinge.
Hy het laggend vertel dat sy liedjie “Madelein” nie oor ‘n spesiale dame gaan nie, maar oor ‘n buffelkoei.

LEES OOK: Innibos versterk jeugontwikkeling met VIBE-kunsprogram

Peyper en sy vriende het op ‘n jagplaas gaan wild skiet toe die eienaar hom glo vra om ‘n liedjie oor sy buffel te skryf. Peyper was geïnspireer en die liedjie het gevolg.

Ten spyte van die koel weer, het Peyper die gehoor warm gehou deur hulle te laat saamsing en -dans op sy gewilde sokkietreffers.