Die dorpe – Bloemfontein: 16 Desember
Nie net mens maar ook dier moes die hoogste prys betaal in hierdie oorlog. Een van die grootste slagtings van perde in die geskiedenis, het tydens die Anglo Boereoorlog plaasgevind, waartydens meer as 500 000 perde, muile en donkies aan beide kante gesterf het.
VERSKROEIEDE AARDE – 56 000 VROUE EN KINDERS STERF
Op 16 Junie 1900 vaardig lord Roberts proklamasie No 5/1900 uit:
“Whereas small parties of raiders have recently been doing wanton damage to public property in the Orange River Colony and South African Republic by destroying railway bridges and culverts and cutting the telegraph wires, and whereas such damage cannot be done without the knowledge and connivance of the neighbouring inhabitants and the principle civil residents in the districts concerned;
Now, therefore, I, Frederick Sleigh, Baron Roberts,of Kandahar and Waterford, K.P., G.C.B., G.C.S.I.,G.C.I.E., Field Marshal, Commander-in-Chief of Her Majesty’s Troops in South Africa, warn the said inhabitants and principle civil residents that,whenever public property is destroyed or injured in the manner specified above, they will be held responsible for aiding and abetting the offenders.
The houses in the vicinity of the place where the damage is done will be burnt and the principle civil residents will be made prisoners of war.”
Volgens hierdie beleid is byna al die boere se plaashuise afgebrand, vee doodgemaak, lande verbrand en die vrouens en kinders na konsentrasiekampe toe gestuur. In hierdie kampe was daar onvoldoende kos en mediese dienste en gedurende die oorlog het meer as 28 000 boere-kinders-en-vrouens in minstens 50 kampe gesterf. Daar was ook ongeveer 64 swart konsentrasiekampe waar daar tot 28 000 mense dood is.
Nie net mens maar ook dier moes die hoogste prys betaal in hierdie oorlog. Een van die grootste slagtings van perde in die geskiedenis, het tydens die Anglo Boereoorlog plaasgevind, waartydens meer as 500 000 perde, muile en donkies aan beide kante gesterf het.
Op die 600 km lange pad van die Herdenkingsrit, gaan ons ruiters by konsentrasiekampe in Pretoria, Krugersdorp, Vredefort, Koppies, Winburg, Brandfort en Bloemfontein verby. Die rit te perd eindig op 16 Desember 2015 by die Nasionale Vrouemonument in Bloemfontein.
Hierdie is die eerste monument ter wêreld toegewy aan vroue en kinders, en is 102 jaar gelede op 16 Desember 1913 geopen. Generaal de Wet, president Steyn en dominee Kestell se grafte is by die Vrouemonument. Emily Hobhouse, ’n Britse vrou wat haar oor die lydende Boerevroue en kinders in die konsentrasiekampe ontferm het is ook daar begrawe.
Bronne:
Universal suffering during the South African War 1899-1902: War Museum
Whelpton, Helde met Hoewe: Fleur
Whelpton, Helde met Hoewe: Bokkie
