Nuweling presteer goed in tweekamp
Komati Akademie en Komatipoort is baie goed tydens die Interprovinsiale Tweekamp byeenkoms in Nelspruit verteenwoordig en die nuwelinge het baie goed presteer.
Van die atlete neem al vir hul vierde agtereenvolgende jaar deel en van die dorp se kinders, vir selfs hul sewende jaar, en die atlete presteer steeds, sommiges selfs beter.
Verlede jaar is egter deur baie goeie prestasies gekenmerk.
Nie net het die Diedericks-tweeling beide gekwalifiseer nie, een van hulle sowel as nuweling Rico Badenhorst het met medaljes, onderskeidelik brons en silwer, teruggekeer.
Dit getuig van harde werk en oefening.
Die deelnemers van Komatipoort Akademie was dogters: Zarlia Engelbrecht (o/11) en Lianie Jansen van Vuuren (o/13). Seuns: Rico Badenhorst (o/9), Hanro van Heerden, Dieter en Wiam Diedericks (o/11) en WG Engelbrecht (o/13).
Gelukwensing en dank is deur die ouers aan die afrigters Marita en Jan Engelbrecht uitgespreek, en aan die atlete vir hulle toegewydheid en deursettingsvermoë.
Ander atlete vanuit Komatipoort sluit in: Monya Slabbert (o/13), Desiree van Staden en Melisca van Heerden (o/15), Angelique Stronkhorst (o/19) en Jan Engelbrecht (veteraan).
