Rekords spat op die baan
Wie het nou ooit gedink dat een van Hoërskool Nelspruit se atletiekreuse, Frans Schutte se interhuisrekords in so 'n kort tydperk verbeter sou word?
Dinsdagoggend het die 16-jarige Marnus van der Merwe die skyfwerprekord vir seuns 17 jaar van 46,57m, met ‘n allemintige vyf meter na 51,65m gerek.
Altesaam 16 ander het in die slag gebly, en dit op ‘n snikhete Laeveld-dag.
Sommige atlete het reeds met hul uitstekende uitslae aan die Suid-Afrikaanse Kampioenskappe se vereistes voldoen.
Die Spartane het vanjaar se byeenkoms met 921 punte gewen gevolg deur die Atheners met 913 en die Trojane met 743.
Dit was egter die Atheners wat die dag se sangtrofee ingepalm het.
Twee gewigstoot-atlete, Marné van Aardt (dogters 14 – 10,85m) en Stefan van der Bank (seuns 15 – 15,73m) het met die beste velditemtrofees weggestap, terwyl Nerina Visser (dogters 15) se 14,7 sekondes in die 90m-hekkies en Peter Gildenhuys (seuns 19) met 9:32:7 in die 3 000m die beste baanitems gelewer het.
In elke ouderdomsgroep is die toppresteerders aangewys.
Die victrix ludorums is Marné van Aardt (dogters 14), Nerina Visser dogters 15), Carmen Cronje (dogters 16), Christi Kruger (dogters 17) en Brumilde Joubert (dogters 18). Die victor ludorums is Stefan Smit (seuns 14), Stefan van der Bank (seuns 15), Norbert Ponisammy (seuns 16), Hannes Aucamp (seuns 17) en Peter Gildenhuys (seuns 18).
Rekords verbeter:
Dogters 14 – spiesgooi: Marné van Aardt (28,01m – ou rekord 25,36m)
Seuns 14 – 800m: Tertius Mentz (2:14:4 – 2:14:5)
Seuns 14 – spiesgooi: Stefan Smit (49,96m – 49,49m)
Dogters 15 – 90m hekkies: Nerina Visser (14,7 sek – 14,9sek)
Dogters 15 – driesprong: Ilke Joubert (9,02m – 9,00m)
Dogters 15 – spiesgooi: Ilke Joubert (32,66m – was 31,77m)
Seuns 15 – 400m: De Villiers Basson (54,0 sek – was 54,9sek)Seuns 15 – 800m: Dudu Nkosi (2:01:3 – was 2:07:1)
Seuns 15 – gewigstoot: Stephan van der Bank (15,73m – 14,43m)
Seuns 16 – 3 000m: Wandla Nkosi (9:21:2 – 10:10:6)
Seuns 16 – verspring: Norbert Ponisammy (6,55m – 6,35m)
Seuns 16 – aflos: (47,4 sek – 47,5sek)
Seuns 17 – skyfwerp: Marnus van der Merwe (51,65m – 46,57m)
Dogters 17 – skyfwerp: Alisia van der Merwe (29,83m – was 29,55m)
Dogters 17 – spiesgooi: Menanto de Beer (32,18m – was 31,56m)
Dogters 19 – 3 000m: Madri Wiid (10:55:9 – 11:58:0)
Dogters 16 – gewigstoot: Andri Smalberger (11,75m – 11,46m).
