Barberton Rugby manne sluit 2014 af of ‘n hoë noot
Vroeg reeds op Vrydagaand was die potjiekos reeds aan die prut by Coronation Park.
Vroeg reeds op Vrydagaand was die potjiekos reeds aan die prut by Coronation Park.
Dit was vir die jaarlikse prysuitdeling van Barberton Rugbyklub waartydens wenners in die verskillende kategorieë aangewys en die trofeë oorhandig is.
Voorsitter van die klub, Pieter Potgieter, het in sy toespraak die borge, Nelspruit Truss, Barberton Westvaal, Barberton Ford en NTT Toyota, hartlik vir hul volgehoue ondersteuning bedank.
Hy het gesê dat dit nie moontlik sou wees vir die klub om voort te bestaan as dit nie was vir hierdie besighede se volgehoue ondersteuning nie.
Die komiteelede asook die dames wat altyd bereid is om take te verrig tydens die jaar is ook geprys en bedank vir hul onbaatsugtigheid.
Na afloop van die prysuitdeling is daar heerlik gesmul aan die potjiekos en selfs nie die krag wat met tye afgegaan het, kon die mense se geesdrif demp nie, en daar is lekker tot laat gekuier.
Trofee-naam en wenners van die jaar
Nie-speler of bestuurlid trofee / ondersteuner – Conrad Scheepers
Klubkommiteelid – Pieter Potgieter
Storm Auto Electrical man van die wedstryd tweede span – Phumlani Msibi
Tweede span agterspeler – Mduduzi Shongwe
Tweede span voorspeler – Vusi Zulu
Steve Boshoff mees veelsydigste tweede span speler – Martin van der Bergh
Tweede span rugbyspeler – Vusu Zulu
André Spohr beste vordering – Vusi Zulu
Drieedruk-trofee – Phulane Sowane
Jathira Wisseltrofee junior speler – Ruben van Vuuren
Nelspruit Truss man van die wedstryd eerste-spantrofee – Phulane Sowane
Veelsydigste speler eerste span – Hans Meyer
Eerste span agterspeler – Phulane Sowane
Barberton rugbyspeler – Phulane Sowane.
