Tennisliga in volle swang
Laerskool Nelspruit se dogtertennisspan het Penryn Prep se spelers tydens 'n ligawedstryd behoorlik opdraande gegee.
Die wedstryde het Dinsdagmiddag op die Nellies se bane plaasgevind.
Lize Oosthuizen van die tuisspan het haar teenstander, Niki Nkuna, in skoon stelle met 7-0, geklop. Lani Swart, ook van Nelspruit het Lea Sebastian met 6-1 gewen. Lize en Lani het as spanmaats hul dubbelspel teen Niki en Lea ook 6-1 gewen.
Dit is Penryn se Mikaela Goelst en Jayden André wat hul wedstryd teen Nelspruit se Mila Steyn en Kaylee Ferreira gewen het.
Die seuns se wedstryde is op Penryn se sportgronde beslis. Die tuisspan se Liam Bander het Janus Trollip met 6-1 verslaan.
Dit was ‘n naelbytstryd tussen Charles du Plessis (Nellies) en Dylan Ormiston (Penryn) met Charles wat net-net met 4-3 geseëvier het.
Uitslae
Dogters
• Lani Swart (Nellies) 6 – Lea Sebastian (Penryn) 1
• Lize Oosthuizen 7 – Niki Nkuna 0
• Mila Steyn 6 – Mikaela Goelst 1
• Kaylee Ferreria 5 – Jayden André 2.
Dubbels
• Lani Swart en Lize Oosthuizen 6 – Lea Sebastian en Niki Nkuna 1
• Mila Steyn en Kaylee Ferreira 3 – Mikaela Goelst en Jayden André 4.
Seuns
• Janus Trollip 1 – Liam Bander 6
• Charles Timon Nel 5 – Joshua le Roux 2
• Charles du Plessis 4 – Dylan Ormiston 3
• Dirk Willem van Rooyen 3 – Dylan Pappas 4
Dubbels
• Janus Trollip en Charles Timon Nel 1 – Liam Bander en Joshua le Roux 6
• Charles du Plessis en Dirk Willem van Rooyen 4 – Dylan Ormiston en Dylan Pappas 3.
Só het die aksie op die baan gelyk: Nellie-dogters bied groot uitdaging aan Penryn-tennisspelers
