Local sportSport
Barberton se eerstes kraai konings teen Malelane
Die manne van die eerste span het behoorlik uitgehaal en die besoekers gewys hoe die dinge eintlik gedoen behoort te word.
Saterdag het Barberton-rugbyklub op Coronation Park teen Malelane te staan gekom. Malelane het egter net hulle eerste span gestuur, gevolglik het Barbeton se tweede span ‘n seweswedstryd teen mekaar gespeel.
Malelane is geen kans gegun om ‘n enkele punt aan te teken nie en Barberton het met hul puntetelling van 44 stert in die lug van die veld gestap.
Die volgende spelers het drieë gedruk:
Rheinhardt Ludick, Hans Meyer, Jaice Terblanche, Petrus Naudé, Vusi Zulu, Jurgens van Staden, Jaco du Toit en Quintin Kriel.
Die twee verdoelings is deur Ettiene Janse van Vuuren en Banie van Aswegen behartig.
At Caxton, every story is written by humans. We use AI only to perform quality checks - never to generate the news. Happy reading!
