Rugbymanne gereed vir seisoen

Met die nuwe rugbyseisoen wat reeds begin het, is Ohrigstad-rugbyklub glad nie skaam om vanjaar te wys dat hulle murg in hul pype het nie.

Die klub het al vroeg in Januarie begin oefen en het Saterdag proewe op Laerskool Ohrigstad se veld teen Botashoek gespeel.

Quartus du Toit, een van die afrigters, vertel dat hulle beïndruk was met die uitkoms van die proewe.

Hy voeg by dat alhoewel hulle die wedstryd gewen het, daar nog baie skaafwerk voorlê om die spelers in toptoestand te kry vir die seisoen. Nuwe spelers met baie potensiaal het by die klub aangesluit.