Gholfdag suksesvol ondanks ‘n sterk wind
Ten spyte van Saterdag se triestige weer en die wind wat houe beïnvloed het, het spelers Lien se Kleuternes se jaarlikse gholfdag by die Kambaku Gholfklub geniet.
Twee-en-tagtig gholfspelers het Saterdag Lien se Kleuternes se fondsinsamelingsinitiatief ondersteun. Die golfdag se formaat was ‘n beterbal en scramble drive en daar was ‘n verskeidenheid pryse soos kruiwaens vol kruideniersware en drinkgoed op die spel.
Malelane TyreMart, Harcourts en Cell C Malelane het elk by ‘n bof ‘n stalletjie gehad.
Fondse wat ingesamel is, sal aangewend word om opvoedkundige benodigdhede aan te skaf, asook die onderhoud en herstel van die skoolgebou in Hectorspruit.
Spelers se gesinne het die middag by hulle aangesluit en die kinders het heerlik baljaar. Die prysuitdeling is deur Minette Swartz met ‘n Bybelversie en gebed geopen, voordat die wenners met breë glimlagte hul pryse ontvang het. Daarna het almal saam aandete geëet en die volwassenes kon kuier en ontspan.
Uitslae:
Eerste: Lucas Britz en Rose Powell (51)
Tweede: George Muller en Roelf Fritz (48)
Derde: Ester Britz en Rose Powell (48)
Vierde: Johan Walters en Chanelle de Kock (47)
Vyfde: Zaydan van Rensburg en Baitjie de Klerk (45)
Sesde :Nadia Concalves en Ezielle Basson (43)
Sewende: Neville & Andre Fourie (43)
Agste: Brain Forsman & Jenny Forman (43)
Negende: Janette Maritz & Rohan Greyvenstein (43)
Tiende: Reichardt Scholtz & Ricky Coetzee (43)
Elfde: Andre Nel & Marius Coetzee (42)
Twaalfde: Divan Smith & Eugene du Toit (42)
Dertiende: Mauritz Mostert & Danny (42)
Naaste aan die pen: Gat 5 – George Muller
Gat 8 en 16 – Roan Mostert
Gat 18 – Mel Stronkhorst
Langste dryf vroue: Gat 10 – Chanelle de Kock
Langste dryf mans: Gat 10 – Bartjie de Klerk
Langste dag – Alex de Kock en Anton du Toit.
Vir meer foto’s van die wenners, klik hier.
