Krieketspanne maak Laerskool Malelane trots

Laerskool Malelane se krieketspelers het hierdie kwartaal besonder goed gevaar.

September 27, 2016

Retha Nel Less than a minute

Eerste span: Abdullah Moosa, WP van der Merwe, Haroon Ikram, (tweede ry) Mohmed Imam, Michael Erasmus, Kian Janse van Rensburg, (derde ry) Salmaan Motara, Keagan Jansen van Vuuren, Euvandre Mcdonald, Hamzah Patel (kaptein), (agter) Terence Terblans en Gert Delport.

Die o/11- en eerste krieketspanne is as Ehlanzeni-wenners vir mediumskole aangewys. Die spanne kom na die vakansie teen Laerskool Marietjie van Niekerk van Bethal vir die Mpumalanga-eindronde te staan.

Vier spelers gaan die provinsie by die 2016-nasionale-weke verteenwoordig. Hamzah Patel (o/13), Abdullah Moosa (o/12), Abdullah Patel en Rayyan Patel (o/11) is vir die Mpumalanga-spanne in hul onderskeie ouderdomsgroepe gekies.

Die skool is ook trots op Keagan Jansen van Vuuren, een van hul topkolwers, wat die afgelope paar maande drie agtereenvolgende 100-talle tydens wedstryde behaal het.