Local sportSport

Só sal Joost onthou word – Saamgestel deur Carli Koch

24 Junie 1995. Rugby Wêreldbeker-eindstryd. Die Bokke teen die All Blacks.

February 10, 2017
Carli Koch 1 minute read

Ek was te jonk om toe te verstaan, maar ek was gefassineerd met hoe rugbyliefhebbers oor seker een van Suid-Afrika se mees invloedryke skrumskakels, Joost van der Westhuizen gepraat het.

Ek was maar vyf jaar oud toe die Bokke die eindstryd op Ellispark gewen het. Ek het op my pa se skoot, vasgenael voor die kassie, gesit.

Die eerste inskrywings op sosiale media het Maandag net na 15:00 bevestig dat Joost na ses jaar sy dapper stryd teen motorneuronsiekte verloor het. Ek het eers in 2011, toe hy met die lewensgevaarlike siekte gediagnoseer is, werklik begryp watter impak hy nie net op Suid-Afrikaners gemaak het nie, maar ook in wêreldrugby.

Joost het tussen 1992 en 2002 in 144 wedstryde vir die Blou Bulle en in 111 toetse in die groen-en-goud uitgedraf. Hy het die Bokke in 10 toetse aangevoer.

Ek het nooit die geleentheid gehad om hom, en een van my ander groot rugbyhelde, Jonah Lomu wat in 2015 weens hartprobleme oorlede is, te ontmoet nie.

Jonah was ‘n massiewe vleuel en ‘n gevreesde speler vir sy teëstanders. Beeldmateriaal waar Joost in die Wêreldbekereindstryd Jonah van voor duik, bied ’n blywende herinnering van Joost.

Daar was hoogtepunte, maar ook laagtepunte. Ek hoop die rugbygemeenskap sal die goeie dinge van Joost, eerder as die slegte sal onthou.

‘n Gedenkdiens word vandag om 12:30 op Loftus Versfeld vir hom gehou. Ek droom van ‘n reënboognasie, en dalk is dit ‘n tyd soos dié wat Suid-Afrikaners weer een word.

Dit word van 12:00 af op SuperSport 1 uitgesaai.

Laevelder het ‘n paar rugbykenners gevra om van hul herinneringe van Joost te deel.

Voormalige Blou Bul-spanbestuurder, Wynie Strydom

"Josie het 'n goeie humorsin gehad. As jy in sy geselskap was, moes jy wakker wees want hy het daarvan gehou om strepe op mense te trek. Sy lus vir die lewe was onwerklik en ten spyte van sy siekte, het hy ander gehelp. Hy was so kompeterend en hy was die middelpunt van die span."
“Josie het ‘n goeie humorsin gehad. As jy in sy geselskap was, moes jy wakker wees want hy het daarvan gehou om strepe op mense te trek. Sy lus vir die lewe was onwerklik en ten spyte van sy siekte, het hy ander gehelp. Hy was so kompeterend en hy was die middelpunt van die span.”

 

Bekende skrywer, Alita Steenkamp

"Die vreugde en plesier was groot elke keer wanneer Joost van der Westhuizen, bal onder die arm, oor die doellyn gehardloop het - en daar was baie kere. 'n Volle 58 keer in die groen-en-goud (waarvan 38 toetse was) en 71 in die bekende ligblou trui. Elkeen van hierdie briljante drieë het getuig van sy krag, maar ook vernuf, vindingrykheid en balvaardigheid. Dankie Joost."
“Die vreugde en plesier was groot elke keer wanneer Joost van der Westhuizen, bal onder die arm, oor die doellyn gehardloop het – en daar was baie kere. ‘n Volle 58 keer in die groen-en-goud (waarvan 38 toetse was) en 71 in die bekende ligblou trui. Elkeen van hierdie briljante drieë het getuig van sy krag, maar ook vernuf, vindingrykheid en balvaardigheid. Dankie Joost.”

 

Voorlynafrigter van die Steval Pumas, Hein Kriek

Voorlynafrigter van die Steval Pumas, Hein Kriek "Ek sal Joost meer vir die J9-fondasie wat hy op die been gebring het net nadat hy siek geword het en sy bewusmakingsveldtog oor die siekte eerder onthou as vir sy rugby. Dit is tog waaroor rugby gaan - as jy iets bereik het, moet jy bereid wees om iets terug te gee. Hy kon iewers in 'n hoekie gaan kripeer het, maar hy het bo sy vermoë uitgestyg om die beste van 'n slegte situasie te maak."
Voorlynafrigter van die Steval Pumas, Hein Kriek
“Ek sal Joost meer vir die J9-fondasie wat hy op die been gebring het net nadat hy siek geword het en sy bewusmakingsveldtog oor die siekte eerder onthou as vir sy rugby. Dit is tog waaroor rugby gaan – as jy iets bereik het, moet jy bereid wees om iets terug te gee. Hy kon iewers in ‘n hoekie gaan kripeer het, maar hy het bo sy vermoë uitgestyg om die beste van ‘n slegte situasie te maak.”

 

Blitsbok, Werner Kok

"Joost het ons truie net voor die Dubai-sewes in Dubai in 2015 oorhandig. Dit was my eerste wedstryd vir die Blitse en dit was vir my 'n ongelooflike spesiale oomblik gewees. Dit was nogals intimiderend om 'n vertrek saam met so 'n groot legende te deel."
“Joost het ons truie net voor die Dubai-sewes in Dubai in 2015 oorhandig. Dit was my eerste wedstryd vir die Blitse en dit was vir my ‘n ongelooflike spesiale oomblik gewees. Dit was nogals intimiderend om ‘n vertrek saam met so ‘n groot legende te deel.”

 

Streekkoördineerder van Mpumalanga Skeidsregtersvereniging, Oubaas Coetzer

"Hy was sonder twyfel 'n talentvolle speler en hy het tot die bitter einde geveg. Die All Black-vleuel, Jonah Lomu het as 'n stoomroller bekendgestaan, maar hy kon nie oor Joost stoomroller nie. Daardie duikslag van Joost tussen die Bokke en All Blacks in 1995 se Rugby Wêreldbeker het verhoed dat Jonah 'n drie gaan druk het."
“Hy was sonder twyfel ‘n talentvolle speler en hy het tot die bitter einde geveg. Die All Black-vleuel, Jonah Lomu het as ‘n stoomroller bekendgestaan, maar hy kon nie oor Joost stoomroller nie. Daardie duikslag van Joost tussen die Bokke en All Blacks in 1995 se Rugby Wêreldbeker het verhoed dat Jonah ‘n drie gaan druk het.”

 

Voormalige Springbok, Rudi Visagie

"Ek en Joost het in 1993 saam vir die Bokke gespeel toe die span na Australië getoer het. Ek kan onthou Joost het vir my gesê, 'Vleis, jy is een van my heroes en nou speel ons saam.' Hy was altyd so positief en 'n briljante rugbyspeler, maar tog was hy ook 'n nederige ou."
“Ek en Joost het in 1993 saam vir die Bokke gespeel toe die span na Australië getoer het. Ek kan onthou Joost het vir my gesê, ‘Vleis, jy is een van my heroes en nou speel ons saam.’ Hy was altyd so positief en ‘n briljante rugbyspeler, maar tog was hy ook ‘n nederige ou.”

At Caxton, we employ humans to generate daily fresh news, not AI intervention. Happy reading!
February 10, 2017
Carli Koch 1 minute read

Support local journalism

Add The Citizen as a preferred source to see more from Lowvelder in Google News and Top Stories.

Add as a preferred source on Google
Follow on Google News
Check Also
Close
Back to top button