Vroue durf modderbad vir borskanker aan

Muddy Princess is ‘n 5km-wedloop met min of meer 15 hindernisse.

Dit was Sondag die eerste keer dat Muddy Princess in die Laeveld aangebied was en die organiseerders hoop om dit weer in 2018 te doen.

Vroue van enige fiksheidsvlak, postuur en nasionaliteit kon daaraan deelneem.

Hulle moes net kon kruip, loop, hardloop, klim, lag en speel, en teen hulle eie pas klaarmaak, aangesien dit nie ‘n kompetisie was nie.

Spanne en individue kon inskryf, maar almal het op die ou einde een groot span gevorm. Daar word groot klem op spanwerk gelê en om hulp te waardeer. Die organiseerders van Muddy Princess het besluit om die gebeurtenis ook in kleiner dorpe aan te bied nadat dit baie gewild in Kaapstad, Johannesburg en Durban was.