Lydenburg 611, LHS 63

Hoërskool Lydenburg se eerste krieketspan is steeds onoorwonne in die Pro20-krieketliga.

September 25, 2017

Carli Koch 1 minute read

Voor: Armand Aucamp, Jason Oosthuizen, Shaan Brits, Brandon Bothma, Reese Heydenreych, Tristan Badenhorst, (agter) Tiaan Brits, Jaco van Heerden (afrigter), Vian Grace, Johann Reynecke, Hein Steyn, Leohan Plessers, Quinten de Jonge en Henco Ehlers.

Dié span het met Hoërskool Nelspruit se eerstes afgereken deur hulle met 83 lopies te klop.

Lydenburg het eerste gekolf en het 177 lopies aangeteken, met slegs vier paaltjies wat gekantel het.

Tiaan Brits het 41 lopies van 29 balle gemoker en Hein Steyn het 67 lopies van 29 balle geslaan. NHS het slegs 93 lopies aangeteken voor al hul paaltjies geval het.

Jason Oosthuizen het 302 lopies teen Lowveld High School aangeteken.

Tristan Badenhorst en Jason Oosthuizen het elk drie paaltjies gevat en Shaan Brits en Tiaan Brits twee elk.

Lydenburg het daarna teen Lowveld High School te staan gekom en 661/9 aangeteken.

Jason het 302 lopies aangeteken van slegs 126 balle en Armand Aucamp het met 126 lopies teruggestap kleedkamers toe.

Armand en Jason het ‘n vennootskap van 451 lopies gehad. LHS kon slegs 63 lopies aanteken en Shaan het agt paaltjies platgetrek. Lydenburg het die wedstryd met 597 lopies gewen.