Nellies maak skoonskip in krieket-liga

Nellies het die loot gewen en besluit om Curro eerste in te stuur. Curro is vir 89 lopies uitgehaal. Beste bouler vir Nellies was Joshua Louw met drie paaltjies vir twee lopies in vyf beurte.

Nellies het die telling van 89 in die 12de beurt met slegs twee paaltjies plat, verby laat gaan. Hulle beste kolwer was Luan Strauss met 31 lopies van 30 balle. Hierdie talentvolle o/13-groep van Nellies is almal ingeskryf by Hoërskool Nelspruit in 2018 waar hul deel gaan vorm van Johan Rudolph se krieket-akademie om hulle vaardighede verder te slyp. Die res van Laerskool Nelspruit se junior krieketspanne het ook gemaklik met Curro afgereken.