Top-toekennings by Pumas-funksie toegeken
Jongeling, Tiaan Spies is na afloop van die Pumas Amateur-toekenningsaand as die skeidsregter met die beste vordering, aangewys.
Die spogfunksie het onlangs by Mbombela Stadion plaasgevind.
Verskeie trofeë is op die aand oorhandig. Daar is ook melding van spesiale toekennings gemaak.
Barberton Rugbyklub vier vanjaar hul 120ste bestaansjaar terwyl Malelane Rugbyklub ‘n halwe eeu vier.
Daar is ook melding van Hoërskool Nelspruit se Banele Mthenjane en Stephan van der Bank gemaak wat deel van die Suid-Afrikaanse Skolespan was.
Lees ook: NHS se Rhinos trap diep spore by St John’s
Die man met die fluitjie in die hand, Des van Wyk is een van die top-10 skeidsregters wat die beste vordering oor die seisoen getoon het, aangewys. Van Wyk en Alex Jonker deel die trofee vir beste akademiese prestasie.
Laerskool Bergland het erkenning gekry nadat hulle vroeër vanjaar as die Mpumalanga-kampioene aangewys is.
Curro Nelspruit se afrigters het ook ‘n toekenning ontvang. Curro se o/14-rugbyspan is as die Virsekerbeker-wenners vir mediumskole gekroon.
Nelspruit het die Laeveld Sewes-toernooi as oorwinnaars uit die stryd getree met Ngodwana wat die Mayor’s Reserve-ligatrofee omhoog gehou het.
Toekennings
Mylpale
• Malelane Rugbyklub – 50 jaar
• Barberton Rugbyklub – 120 jaar
Spelerprestasies
• SA Skole – Banele Mthenjane en Stephan van der Bank
Skeidregters
• Beste vordering – Tiaan Spies
• Beste vordering, top 10 – Des van Wyk
• Akademies – Des van Wyk en Alex Jonker
Laerskool
• Mpumalanga grootskole-kampioene – Bergland
Hoërskool
• Virsekerbeker mediumskole – Curro Nelspruit o/14
Klubwenners
• Laeveld-sewes – Nelspruit
• Mayor’s Reserve-liga – Ngodwana.
