Verlede  naweek was die rolle tydens Laerskool Nelspruit se eerste Mopani Nellies-sportfees, vir ‘n slag omgeruil.

Die onderskeie grade se ouers het teen mekaar meegeding terwyl die kinders dié keer die rol van ondersteuners oorgeneem het. Die ma’s was die afgelope vier weke hard aan die oefen vir hulle wedstryde op die netbalbaan, terwyl die pa’s aan hulle vaardighede op die rugbyveld gewerk het.

Dit was ‘n dag propvol pret met verskeie stalletjies, heerlike kos, musiek en vermaak vir die kinders.
Organiseerders vertel dat Nellies se eerste sportfees in samewerking met Mopani Apteek beslis onvergeetlik is, en ‘n byeenkoms wat sonder twyfel ‘n jaarlikse instelling gaan word.

Na talle wedstryd deur 16 rugbyspanne, 28 op die netbalbaan en ses op die vlugbalbaan, is die dag afgesluit met ‘n gesellige braai op die rugbyveld, gepaardgaande met lewende vermaak, kinders wat op die springkastele baljaar en ‘n paar laaste rondes vlugbal terwyl die braaivleisvure nog hoog gebrand het.

> Foto’s: Johan Orton en Stefan de Villiers