In Julie 2019 het een van sy lewensdrome waar geword toe hy die Nelspruit Jeug-rugbyklub gestig het.
Vir hom was dit vir jare lank ‘n droom om meer seuns die geleentheid te gee om meer rugby te speel, meer rugby-vaardighede aan te leer en beter blootstelling aan rugby te bied. Morné en sy span bied ontwikkeling, fiksheidskondisionering en gespesifiseerde rugby-posisie-ontwikkeling vir spelers vanaf die ouderdom sewe tot 13 jaar aan.
Hulle fokus op tegnieke om rugby-vaardighede op ouderdomsvlak te bevorder, wat spelers dan bevoordeel vir wedstrydspel. Hulle hoofdoel is om afrigting te bied, maar wil spelers ook blootstelling gee aan liga-wedstryde teen ander klubs gedurende die seisoen.
Hier kan hulle die tegnieke en vaardighede in ware wedstrydspel uitvoer om sodoende die gespesifiseerde posisie-ontwikkeling uit te voer. By Nelspruit Jeug-rugbyklub word spelers glad nie in A-, B- of C-spanne ingedeel volgens prestasie nie.
Elke speler kry die geleentheid om in hul posisie te ontwikkel. Morné is ‘n IRB-vlak 2 afrigter en rig tans die Nelspruit Rugbyklub se eerste span af.
Hy is ook betrokke by Laerskool Nelspruit en Curro Nelspruit se skoolspanne. Hy is onlangs genooi om sy IRB-vlak 3 in Stellenbosch te gaan voltooi.
