Hoërskool Nelspruit se atlete wat poog om by vanjaar se provinsiale en nasionale byeenkomste opspraak te wek, het Maandag die eerste tree in die keuringsproses gegee.

Sterre soos Ashley Erasmus, Shanese de Clerck, Douw Kruger en Zander van der Merwe het soos van hul verwag is, hul items met gemak gewen en goeie vertonings gelewer, maar daar is veral drie ander uitblinkers wat met spogvertonings die oog gevang het. Hulle het met beste pogings (PB’s) vorendag gekom en hulle kleims vir interhoërmedaljes duidelik afgesteek.

Sy beklee gewoonlik die tweede plek na Ashley in die gewigstoot en skyfwerp, maar hierdie keer het Anya Venter (m. 15) waarlik geskitter, toe sy deur die grens van 1 000 ABSA-punte gebars het.

LEES OOK: Nelliesatlete blink uit op die baan tydens hul interhuis-atletiekbyeenkoms

Haar afstand van 36,61 m (skyfwerp) is ‘n blink 1 009 punte werd. Verder het Werner Geldenhuys (s. 17) vir opskudding gesorg toe hy met ‘n reuse PB van 15,30 m in gewigstoot, met die bekende Frederik Nel (15,09 m) afgereken het.

Omdat daar op nasionale vlak net in die ouderdomsgroepe vir 15-, 17- en 19-jariges voorsiening gemaak word, moes Hannes Botha (nog s. 16) aan die item vir s. 17 deelneem. Sy wengooi van 57,57 m is nie alleen ‘n blink nuwe PB vir hom nie, maar maak hom ook ‘n kandidaat vir ‘n plek in vanjaar se provinsiale span, as hy so kan voortbou op sy puik afstande.

‘n Sonderlinge prestasie wat deur die spiesgooiers (m. 17) behaal is, is dat vier Nellies die 500 g-spies, in dieselfde item op die program, verder as 30 m laat grondvat het: Amoné de Beer (35,32 m), Jolanke van Zyl (32,71 m), Shana Scott (31,11 m) en Sylvia Barnard (30,64 m).

Die volgende Nellies het hul items gewen (ABSA-punte bo 800 weer aangetoon):
Seuns 15:
• Kian Mouton: 800 m – 2:12,03; ook
1 500 m – 4:52,37
• Ruan Pretorius: hoogspring – 1,70 m (864)
• Ryno Meyer: gewigstoot – 12,00 m
• Karl Erichsen: skyfwerp – 40,30 m; ook spiesgooi – 42,66 m

LEES OOK: NHS Interhuis 2020 sorg vir groot opwinding

Seuns 17
• Wikus van Biljon: 400 m – 52,65
• Martin Raath: 1500 m – 4:57,87
• Tjaart du Plessis: 3 000 m – 11:43,85
• Werner Geldenhuys: gewigstoot – 15,30 m (830)
• Philip Vogel: skyfwerp – 40,22 m
• Hannes Botha: spiesgooi – 57,57 m (802)

Seuns 19
• Douw Kruger: gewigstoot – 15,14 m; ook skyfwerp – 48,66 m
• Zander van der Merwe: spiesgooi –
44,69 m

Meisies 15
• Ashley Erasmus: gewigstoot – 14,84 m
(1 192); ook skyfwerp – 41,10 m (1 200)
• Shanese de Clerck: hoogspring – 1,45 m (812); ook verspring – 4,78 m
• Jodi dos Santos: 800 m – 2:38.00
• Kristen Berry: 1 500 m – 5:21.78
• Liané Fouché: spiesgooi – 26,51 m

Meisies 17
• Jana Engelbrecht: 100 m – 12,97
• Zané Potgieter: 200 m – 27,66
• Nicci Viljoen: 400 m – 61,97
• Nineve Fish: 800 m – 2:54,53
• Zimri Leeuvinink: 1 500 m – 5:46,62
• Berna Kok: 3 000 m – 12:04,47
• Suné du Preez: hoogspring – 1,45 m
• Karien Goosen: verspring – 4,94 m
• Shana Scott: gewigstoot – 11,49 m;
ook skyfwerp – 32,42 m
• Amoné de Beer: spiesgooi – 35,32 m

Meisies 19
• Lize van Biljon: 800 m – 2:46,53; ook spiesgooi – 23,83 m
• Danika Meiring: gewigstoot – 9,42 m; ook skyfwerp – 26,40 m
• Leonine Gildenhuys: 1 500 m – 5:38,62

Die skool het die atlete wat na die Ehlanzeni-distriksbyeenkoms op 1 Maart deurgedring het, sterkte toegewens.

Daar word die span wat die distrik op Secunda by die Mpumalanga-kampioenskappe sal verteenwoordig, aangewys.