Sportbekendes kuier by Lydenburg se Samancor-gholfdag
Tiaan Brits, Christiaan de Beer, Kallie Erasmus, Andries Nel, BJ Botha, Kallie Knoetze en Hendrik Crause.
Samancor Eastern Chrome Mines (ECM) se sewende jaarlikse gholfdag ten bate van liefdadigheid het op 25 Februarie by die Lydenburg Gholfklub plaasgevind.
Hulle het self ook deelgeneem en ‘n paar puik houe geslaan.
Fanie de Villiers, die afgetrede krieketspeler, het later saam met Knoetze met hope energie ‘n veiling aangebied.
Die weer het saamgespeel en die bywoning was goed. Twee-en-sewentig spelers het deelgeneem.
Lees ook: Goue interhoërdag op Lydenburg
Verversings is deur die gholfklub bedien. Daar was ook ‘n koel lafenis by die borgpunte op die baan. Die borge het hul beursies oopgemaak en die fondsinsameling tydens die veiling ondersteun.
Alle hierdie opbrengste sal gebruik word om broodnodige skoolpakkies aan te koop om vir sekere liefdadigheidsorganisasies en skole te skenk. Deur hierdie gholfdae word fondse vir holistiese kinderontwikkeling ingesamel. ECM verbind homself daartoe om ‘n positiewe impak in die omliggende gemeenskap te maak.
