Robbies breëbors na oorwinnings
Die twee spanne het verlede Saterdag hul Virsekerbekeruitspele teen Randburg en Alberton gewen.
Hoërskool Rob Ferreira se o/16- en o/14-rugbyafrigters verdien ’n pluimpie nadat dié twee spanne verlede Saterdag hul Virsekerbekeruitspele teen onderskeidelik Randburg en Alberton gewen het.
Barend Swart en Gerhard du Toit se o/16-span het met 45-7 met Randburg afgereken en die o/14’s het Alberton met 15-14 geklop.
Lees ook: White River and Sasol in championship showdown
Die o/16-span het sewe drieë gedruk en vyf daarvan verdoel. Die puntemakers was Bonga Mashele (stut), Luhan Rademeyer (skrumskakel) wat twee drieë gedruk het, Lwazi Mogodiri (binnesenter), Jacques Larkins (buitesenter) wat ook twee drieë gedruk het en Vuzi Ndlovu (linkervleuel).
Losskakel Connor Barnes het die vyf doelskoppe tussen die pale deurgestuur.
Lwazi en Vusi het altwee vanjaar ook vir die Pumas in die Grant Khomo-reeks gespeel.
Die o/14 A Robbies se drie drieë is deur Daniël Ferreira, Junior Mbetse en Thlotlo Ratswene aangeteken.
