Behoeftige kinders geniet ‘n daguitstappie

Die Vryheidsfront Plus het 'n spesiale dag vir die kinders van die Soli Deo Gloria Sorgsentrum vir behoeftiges gereël.

February 4, 2021

Michelle Boshoff Less than a minute

Die span van die Vryheidsfront Plus wat die dag moontlik gemaak het. Gereed om weg te jaag is Juliana van Heerden en Gerda Venter; agter staan Elsa Botha, Marius Venter, Frik Rousseau en Gerhard Els.

Hulle het Donderdag 28 Januarie verniet op die knortjorbaan gaan ry wat onlangs van Rooikatpark oopgestel is. Die bestuurder van Rooikatpark, André Schoeman, het twee knortjorre aangekoop omdat hy tans nie wins uit die kroeg onder vlak drie Covid-regulasies kan maak nie.
Die kleingoed het dit terdeë geniet en is bederf met skyfies en koeldrank. Hulle het selde die geleentheid om ‘n bietjie uit te kom en die skoolvakansie is ekstra lank.
“Dis verblydend om soveel gelukkige glimlagte te sien. Ons het net gevoel die kinders verdien iets spesiaals en om bederf te word,” het Frik Rousseau van die Vryheidsfront Plus Lydenburg gesê.

Lees ook: Nuwe CD bekoor met soete klanke