Talle hond vergiftig met Two Step
Talle honde is gister in Blesbok- en Jakarandastraat vergiftig.
Die Van Wyk gesin in Blesbokstraat sê hul honde het in die huis geslaap en is vroeg Donderdagoggend uitgevat.
Kort daarna het hul hond, Roger, geweldig rukkings gekry en gevrek. Hul poedel, Buks, het dieselfde simptome gehad en is na die veearts geneem, waar hy steeds behandel word teen die gif.
Mnr. André van Wyk sê hulle het van die gif gekry in hul erf. Die korrelrige gif is ’n tipiese aanduiding dat Temik, ook “Two Step”-gif genoem weens die vinnige werking, gebruik is.
Mnr. Van Wyk sê die gif is met vleissaagsels gemeng.
“Hierdie mense weet nie wat hulle doen nie. ’n Mens se honde is soos jou kinders.”
Hulle het deur die loop van die oggend ook gesien dat hul buurman, mnr. Bennie Roestoff, se prag boerboel, Ceaser, dood in die erf lê en hom laat weet.
•Die gesinne het later gehoor dat daar net ’n paar huise verder nog honde, waaronder Jack Russells, vergiftig is en dat ook honde in Jakarandastraat gevrek het weens vergiftiging.
Lees ook:
Trokdrywer ernstig beseer nadat hy in ander trok vasry
Twaalfjarige wat in ongeluk gesterf het, op familieplaas begrawe
Soek jy nuus op ’n drafstap?
Stoor ons bystand nommer (072 248 3855) en stuur ons ‘n Whatsapp boodskap met die woorde “Add me” om deel te word van ons uitsaailys.
“Like” ons op Facebook, of volg ons op Twitter en Instagram.
Volg ons YouTube kanaal.
Kliek op die skakel om te registreer om ons nuusbrief met die jongste nuus per e-pos te kry
Het julle vir ons ’n storie?
Kontak die redaksie op ons 24 uur bystandnommer 072 248 3855, of stuur ‘n e-pos aan ons redakteur tobie@mobserver.co.za
