“Alles wat ons al gekry het, is nog net bespiegelinge en ons weet nie of dit waar is nie. Ek sal jou laat weet sodra ons ’n regte leidraad kry. Maar daardie bespiegeling maak nie sin nie, want sy bakkie is nie deur kameras op die pad opgetel nie,” het Willem se suster, Danelle Verwey, pas gesê.

“Die Bethal persoon se kamera wys net ’n bakkie van die kant af wat ver is en dit reën so ons kan ook nie op dit werk nie. Ek belowe daar is nog absoluut niks,” het sy gemeld.

Die oudleerling van HTS Middelburg het Saterdagoggend vanaf Morgenzon na Groblersdal vertrek en toe spoorloos verdwyn.
Hy moes deur Middelburg op die N11 reis op pad terug na sy huis.

•Ten tyde van sy verdwyning het hy gery met ’n wit Hilux Dakar, registrasienommer FBH948L.
Hy het ’n blou hemp en ’n khakikleurige kortbroek gedra.

•As enige persoon weet waar Willem hom bevind of sy bakkie iewers opmerk, bel vir Jacques by 071 688 9794 of Danelle, by 082 524 8346.