Willem is Sondag deur sy familie as vermis aangegee nadat hy verdwyn het vanaf die Henbase Lodge (tussen Morgenzon en Amersfoort).
Hy is die laaste keer kort na middernag gesien.

Mnr. Bolhuis het vanoggend gesê dat sy span speurders reeds by die lodge is om die polisie en veiligheidsgroepe te ondersteun wat na Willem soek.

“Kort na sy verdwyning het ’n sekuriteitsfirma ons gekontak en gevra dat ons moet help met die ondersoek. Ek het gevra dat sy familie my self moet kontak en sy pa het my kort daarna gevra om te help.”

Mnr. Bolhuis noem dat sy speurders ook help om verklarings te neem op die lodge.