Wimpie van der Merwe, die gestremde man wat vir meer as twee weke in die Middelburg Hospitaal gelê het nadat hy sy heup gebreek het, is gistermiddag geopereer.

“Ek is so bly dit is gedoen. Nou kan dit net beter gaan,” het hy verlig gesê.

Lees ook:

Gestremde man lê al week sonder hulp met gebreekte heup

• Wimpie is op 28 Maart na die Witbank Hospitaal geneem nadat hy by sy broer se huis gegly, geval en sy heup gebreek het.

Hy was vir twee dae in die ongevalle eenheid, omdat daar nie ’n bed beskikbaar was nie.
Daarna is hy oorgeplaas na die Middelburg Hospitaal, waar hy behandeling ontvang het tot Dinsdag.

Hy is Dinsdagmiddag oorgeplaas na die Witbank Hospitaal, waar die operasie gister gedoen is.

Lees ook:

Gestremde man nie voor Paasnaweek geopereer