Bagasiebakmoord: Vier weer vlugtig voor
Die bagasiebak moordsaak het vanoggend weer vlugtig in die hof voorgekom.
Die drie mans en vrou wat aangekla word na die gebeure waar Danie Maritz (27) se oorskot in die uitgebrande voertuig van die vrouebeskuldigde se kar gekry is, het vanoggend vlugtig verskyn.
Angie (Angelique) Appelgryn, Jan Jordaan, Kobus Pretorius en Emele Jacobs het in die streekhof op Middelburg verskyn.
Hul verskyning volg na aanleiding van die gebeure waar Danie Maritz (27) in November 2023 by ’n skrootmetaalbesigheid in Middelburg vermoor is. Sy oorskot is later in die uitgebrande voertuig van Appelgryn naby ’n myn in Clewer gekry.
Jordaan en Pretorius is steeds in aanhouding sedert hul arrestasie in 2023.
Alex Grobler, wat ook aanvanklik saam met Appelgryn, Jordaan en Pretorius aangekla is, het laat verlede jaar tydens ’n pleitooreenkoms met die staat sy aandadigheid tydens die gebeure erken. Hy is effektief vyf jaar tronk toe gestuur.
Jacobs het vroeg in Januarie vir die eerste keer saam met die oorblywende drie in die hof verskyn.
Lees ook: Nog ’n beskuldigde in bagasiebak moordsaak
• Tydens vanoggend se verskyning het Appelgryn se prokureur, Gerhard van Zyl, foto’s aangevra. Die saak is uitgestel na later vanjaar.
