Video: Waterpyp bars wéér, padoppervlak besig om te sak
Die brandkraanpyp wat herstel is nadat dit vir ’n geruime tyd skade veroorsaak het aan die padoppervlak in Octoberstraat, het weer gebars.
Sakelui is teleurgesteld dat ’n brandkraanpyp wat reggemaak is, weer gebars het en besig is om die padoppervlak te beskadig.
Daar is in Januarie berig oor die waterprobleem in Octoberstraat wat die pad sodanig beskadig het dat ’n groot donga in die pad gevorm het. Mnr. Donovan Weber het aan die hand van ’n video gewys hoe diep die gat voor hul besigheid was.
Lees ook: Video: Pasop vir reuse donga oor pad voor besigheid!
Kort nadat daaroor berig is, het die munisipaliteit die pyp reggemaak en het mnr. Weber sy dankbaarheid uitgespreek teenoor die munisipale span.
Lees ook: Video: Riool en water is reg, nou is dit nog net die donga!
Hy het gister omgekrap gesê dat die pyp weer gebars het. Vanoggend het hy gesien dat die padoppervlak ook weer begin sak.
Mnr. Weber het die waterlek gister en vanoggend afgeneem.
@middelburgobserver Wees versigtig! Waterpyp het wéér gebars en is besig om padoppervlak te beskadig in Octoberstraat, Middelburg (Mpumalanga).
