Dit was gister ‘n nat dag en het talle Middelburgers tot 100mm reën gister gemeet.

Saterdag het die weervoorspelling gewaarsku dat dit erg gaan reën in veral Gauteng en Mpumalanga en was die voorspelling in die kol.

Spruite en stroompies het in riviere verander en moes inwoners ompaaie ry omdat water oor paaie gespoel het. Die munisipaliteit het selfs gewaarsku om spesifieke areas te vermy, omdat spruite oorstroom het.

Inwoners het laat weet dat daar 70mm reën in Kanonkop gemeet is, 90mm in Mineralia, 95mm in Clubville en tussen 95 en 100mm in Aerorand en Aerorand Wes.

• Die koel weer duur vandag voort met ‘n maksimum van net 14°C en ‘n 20% kans vir reën wat verwag word. Vanaf Dinsdag begin die kwik styg na 21°C en later in die week selfs na 24°C. Daar is elke dag tussen 30 en 60% kans vir reën tot Sondag.