Die Middelburg Care Village se liggies skyn weer van 5 tot 20 Desember, waar families, liggies, heerlike kos en musiek kan geniet – alles ter ondersteuning van meer as 100 kinders wat by die Middelburg Care Village woon.

Die fondse help die sentrum om die finansiële druk van die eerste maande van 2026 te dra wanneer die kinders van hul vakansies terugkeer.Voorbereidings is reeds volstoom aan die gang. Die kinders maak kleurvolle vlae, die bekende Kersboom van 10 meter hoog word opgerig, en die Care Village se ‘Kerslig-elfies’ werk hard om ’n magiese feeservaring te skep.

Die Middelburg Care Village nooi ook inwoners uit om as vrywilligers by stalletjies te help en sodoende deel te word van die lig wat hulle jaar ná jaar versprei.

Pret vir die hele gesin

Die Liggiefees bied vanjaar ’n groot verskeidenheid kinderaktiwiteite, insluitende:

• Kinderspeelarea.
• Motorfietsiebaan – bring jou kind se eie stootfietsie of huur een (slegs vir kinders onder 5 jaar).
• Karnaval-speletjies soos Ring Toss, Catch a Duck en Shooting Target teen R10 per speletjie.
• Springkastele.
• ’n Nuwe veilige peuter-area vir kleingoed om te speel en ontdek (speel op eie risiko, geen toesig).

Toegangsfooie

Met genoeg oop spasie om te hardloop, lag en baljaar, beloof dit die perfekte somersaand-uitstappie vir jonk en oud te wees.

• R40 per volwassene
• R30 vir pensioenaris
• Gratis vir kinders onder drie jaar.

Saam met die gemeenskap se ondersteuning, duisende liggies en die besondere feesatmosfeer, is dit duidelik: hierdie fees gaan groot én klein se harte laat skitter.

Persone wat as vrywilligers wil help by die Middelburg Care Village, kan HIERDIE VORM aanlyn invul.