Voorlopige inligting wat verkry is vanaf ‘n ongelukstoneel op die N4 naby die Woestalleen-afrit is dat daar drie mense, waaronder ‘n jong kind in die ongeluk gesterf het.

Die ongeluk het omstreeks 16:40 gebeur. Na wat verneem word was twee bakkies betrokke, een voertuig lê op sy kant op die ry-oppervlak en die ander bakkie is die veld in geslinger.

Motoriste word gemaan om stadiger te ry as hulle die area nader.

Al die nodige dienste, waaronder ‘n ambulans, TracN4, brandweer en insleepdienste is reeds op die toneel. Een persoon is per ambulans na die King Nyabela Hospitaal in Middelburg afgevoer.

Een van die bane is tans gesluit en voertuie kan nog stadig in die ander baan verbybeweeg.