HTS Middelburg vier volgende jaar sy 100ste bestaansjaar, sy eeufeesviering.
Daar was oor die jare ’n persepsie dat die skool bekend is vir sy rugbyspanne en die ambagte wat leerlinge kan deurloop.

Tog het daar dokters en predikante en ja ook Springbokke uit HTS Middelburg gekom.
En wie sou kon dink dat HTS Middelburg in 1968 ’n langspeelplaat uitgereik het?
Die skool staan glad nie agter in die ry op kultuurgebied nie. Vanaf die vroeë jare sestig is die skoolkoor ’n bron van trots. Die koor onderneem verskeie toere en in 1968 word ‘n langspeelplaat “Tradies Sing” opgeneem.

Op toneelgebied presteer die skool met verskeie toneelopvoerings, soos in 1967 se opvoering van Shakespeare se Twaalfde Nag in Afrikaans met verskeie onderwysers en seuns in die hoofrolle. Wie kon Sir Tobie Wynvat en Sir Andries Bibberbakkies vergeet!?

En nou is daar die week tydens die derby gefokus op kultuur en die “Tradies” se langspeelplaat onthou.
Dit is meestal gewyde musiek en mens wonder waar die pragtige vrouestemme vandaan kom.

• Ons deel graag een van die liedjies met ons lesers.