CVO Marmer opedag ’n sukses
CVO Marmer het ’n opedag aangebied met klasbesoeke, interaktiewe aktiwiteite en opvoedkundige speletjies.
CVO Marmer het ’n opedag vir graad 0 en graad 1 leerlinge aangebied.
Die geleentheid het ouers en hul kinders die kans gegee om die skool se lewendige leeromgewing te ervaar.
Die hoogtepunt van die dag was klasbesoeke. Gaste het die klaskamers verken en kon sien waar en hoe hul kinders gaan leer.
Interaktiewe aktiwiteite was nóg ’n hoogtepunt. Die kinders kon deelneem aan kuns en opvoedkundige speletjies, wat die skool se innoverende onderrigmetodes uitgelig het.
Die ouers en kinders het dit ook geniet om die onderwysers te ontmoet. Ouers kon met onderwysers gesels en meer oor die kurrikulum vir die komende skooljaar gesels.
Die opedag was ’n groot sukses en CVO Marmer sien uit daarna om nuwe #rotsvas maats en hul gesinne in hul skoolgemeenskap te verwelkom.
