Die D1547 pad op Motetema-berg, tussen Groblersdal en Tafelkop, is tans gesluit na ’n vragmotor-ongeluk op die berg.

Volgens Derrick Maidment, 24 Seven Logistics, het die bestuurder omstreeks 11:00 vanoggend beheer oor sy trok verloor.

Slegs die passasier in die vragmotor is beseer en is per ambulans na die naaste hospitaal geneem.

Derrick waarsku dat die pad tans gesluit is en moontlik die heeldag gesluit kan weens, terwyl die toneel skoongemaak word. Daar het diesel op die pad beland.

“Geen verkeer kan tans met hierdie pad in of uit Tafelkop uitkom nie. Alternatiewe roetes, soos die Leeuwfonteinpad, word aanbeveel.”