Verskeie waarskuwings het op sosiale media en die Traffic Alert WhatsApp-groep deurgekom om padverbruikers te waarsku oor die die padwerke op die R33 (Stoffbergpad).

Volgens Derrick Maidment (24 Seven Logistics) strek die padwerke vir 30km vanaf Groblersdal op die R33 in die rigting van Stoffberg.

Daar is glo beplanning dat die hele pad opgegradeer sal word vanaf Groblersdal tot voor Stoffberg.

Tans word daar gebruik gemaak van stop-en-ry-punte om die veiligheid van die werkers, wat besig is met die padwerke, te verseker.

Padverbruikers is baie gelukkig oor die slaggate wat toegemaak word, aangesien verskeie klagtes verlede week ingestroom het oor die yslike slaggate op dié pad.

Lees ook: Wees versigtig: Slaggate ná die reën!