Die spoedwal wat Dinsdag op die N11 (Schhoemanpad) by die tweede ingang na Masakaneng aangebring is, het sy eerste tol geëis.

Volgens Derrick Maidment, 24 Seven Logistics, het die ongeluk reeds 04:10 plaasgevind, nadat die vragmotorbestuurder nie die spoedwal opgemerk het nie.

Die vragmotorbestuurder is ernstig beseer en per ambulans na Groblersdal Hospitaal vervoer.

Net die vragmotor was in die ongeluk betrokke en is die presiese omstandighede nog onduidelik.

Die pad sal vir die volgende uur nog gesluit wees om die vragmotor te verwyder.

Maidment waarsku weer motoriste om versigtig te wees by die spoedwal.