Die Elias Motsoaledi Plaaslike Munisipaliteit het reeds Saterdag ’n kennisgewing uitgestuur dat ’n verkeerslig daardie dag geïnstalleer sal word op by die vierrigting op die hoek van Noordlaan en Van Riebeeckstraat.

Die verkeerslig se elektrisiteitskoppeling is gister gemaak, en is die verkeerslig vandag in werking.

Die munisipaliteit het gister omstreeks 19:35 op sosiale media aangekondig dat die verkeerslig se elektrisiteitskoppeling afgehandel is en in werking is.

Elias Motosoaledi Plaaslike Munisipaliteit se kennisgewing het ook motoriste gewaarsku om versigtig te wees vir die nuwe verkeerslig en hul roetes volgens die verkeerslig moet beplan om ’n veilige roete te verseker.