Gunmar het ’n verdagte vasgetrek wat positief verbind kan word met die diefstal van ’n selfoon uit ’n voertuig by ’n vulstasie in Herefordstraat.

Dié sekuriteitsmaatskappy is ontbied, nadat ’n bejaarde vrou van Lephalale se selfoon uit haar voertuig gesteel is by die vulstasie in Groblersdal.

Twee van Gunmar se reaksiebeamptes het die beeldmateriaal nagegaan en gesien dat die verdagte in die rigting van Kanaallaan gevlug het.

Die verdagte het in die bosse weggekruip, maar vinnig weer begin hardloop toe hy Gunmar se reaksiebeamptes sien aankom.

Gunmar was kort op die verdagte se hakke en kon hom jaag tot in die taxihalte, waar hy vasgekeer is.

Die verdagte is teruggeneem na die vulstasie, waar die gesteelde selfoon aan die bejaarde vrou oorhandig en die verdagte aan die polisie oorhandig is.