’n Verkeerslig by die vierrigting in Van Riebeeckstraat en Tauteslaan, naby die Groblersdal Landdroshof, wat al ’n paar dae nie werk nie, het reeds ’n impak op verkeer. Nou is daar egter nóg ’n verkeerslig in dieselfde straat by Van Riebeeckstraat en Noordlaan, naby Vleismark, wat buitewerking is.

Dit kan moontlik ’n verkeersvloei-probleem veroorsaak, veral tussen 06:30 tot 09:00 en weer vanaf 17:30 tot 18:30.

Motoriste word gemaan om van alternatiewe roetes gebruik te maak, indien moontlik, om hierdie verkeerslig te vermy, veral tydens spitstye.

Padverbruikers word gevra om versigtig te wees, aangesien motoriste geneig is om nié die verkeersreël na te kom dat as ’n verkeerslig nie werk nie, voertuie moet stop.

• As jy weet van ongelukke, mis, groot slaggate en ander obstruksies op die paaie wat verkeer kan beïnvloed, skakel of stuur vir ons ’n WhatsApp (met ’n foto of video, indien moontlik) na 082 575 7016.

Lees ook: Groblersdal: Passop, verkeerslig buitewerking