Ben Viljoen lewer 11 provinsiale rugbyspelers op
Elf Hoërskool Ben Viljoen rugbyspelers is vir Limpopo-spanne gekies en maak gereed vir die Junie rugbyweke.
Hoërskool Ben Viljoen se rugbyprogram vier vanjaar nóg ’n besonderse mylpaal nadat verskeie spelers provinsiale erkenning gekry het.
Altesaam 11 spelers is in die onderskeie Limpopo Blou Bulle Hoërskole Rugbyvereniging-spanne opgeneem en sal gedurende die Junie-vakansie die provinsie by verskeie rugbyweke regoor Suid-Afrika verteenwoordig.
Die prestasie onderstreep die gehalte van rugby wat by die skool gespeel word en bevestig Ben Viljoen se reputasie as een van die streek se sterk rugby-kweekskole.
Die spelers het reeds met hul voorbereiding begin toe die Limpopo-spanne vroeër die week teen die Blou Bulle in vriendskaplike wedstryde op Loftus Versfeld te staan gekom het.
• Lees wie die 11 Ben Viljoen-spelers is wat provinsiale kleure verwerf het en in watter spanne hulle opgeneem is in hierdie week se uitgawe van die Observer Daller.
