Parys-rugbyklub het Dinsdag met oefening vir die seisoen begin. Enigeen wat belangstel om deel te word van die klub is welkom by oefening Dinsdae 18:00 vir 18:30 op Hoërskool Parys se rugbyveld. Die klub speel op 8 Februarie sy eerste wedstryd teen Potch Dorp in Viljoenskroon, en op 15 Februarie teen Elsburg op Elsburg se tuisveld. Daarna begin die ligawedstryde.

Die klub beplan ook vanjaar ‘n Golden Oldies-dag waar ouer en voormalige spelers weer mekaar die stryd op die rugbyveld sal aansê. As jy belangstel om by die Golden Oldie WhatsApp groep ingesluit te word, skakel Gerhard by 082 356 5479.

Alle klublede en belangstellendes word ook herinner aan die klub se jaarvergadering op 21 Januarie om 18:00 by AB’s Pub & Grill. Spelers en die publiek word aangemoedig om die vergadering by te woon waar die voorsittersverslag en finansiële state voorgehou sal word, die jaarprogram gegee word, en ‘n komitee vir 2025 gekies sal word. Navrae – 072 551 4527.