Die 6-jarige Danny Ackerman van Vanderbijlpark,  is tuis nadat hy Vrydag in die Chris Hani Baragwanath-hospitaal geopereer is om die skade aan sy gesig en kakebeen te herstel nadat ‘n betonwasbak op 27 April op hom geval het. Danny en sy jonger boetie het die dag hul pa gehelp om die tuin op te ruim van hul nuwe huis toe hy op ‘n stadium aan die wasbak gehang en dit op hom geval het.

Behalwe al die steke en ses plaatjies wat nodig was om die hegwerk te doen, is daar gelukkig geen verdere komplikasies vir klein Danny nie.