‘n Grusame botsing Vrydagaand kort voor middernag op die R82 naby Koppies, het die lewe van ‘n man van Marquard ge-eis nadat die bakkie waarmee hy gery het, onder ‘n vragmotor beland het, en beide voertuie aan die brand geslaan het.

Die bakkie was van Sasolburg in die rigting van Koppies onderweg. Die presiese omstandighede wat gelei het tot die botsing is nie bekend nie.

Die vragmotorbestuurder is nie beseer nie, maar die bestuurder van die bakkie is op die toneel oorlede.

Ons opregte medelye aan die familie van die oorledene.