Teamo Mthembu (54), Phomolo Mazibuko (42), en Johannes Mavuso (41), het op 2 Julie voor die landdroshof in Viljoenskroon verskyn op klagte van besigheidsroof, poging tot moord, en die besit van ‘n ongelisensieerde vuurwapen en ammunisie.

Daar word beweer dat die drie mans, van wie een gewapen was, op 29 Junie omstreeks 19:45 ’n supermark in Rammulotsi, Viljoenskroon, binnegegaan het en die slagoffers beveel het om op die grond te lê. Die slagoffers is met ‘n gordel en skoenveters vasgebind waarna die verdagtes  met ’n onbekende bedrag kontant en sigarette gevlug het

Terwyl hulle besig was om te vlug, het die polisie die mans gekonfronteer wat tot ‘n skietgeveg gelei het.  Een slagoffer en twee verdagtes is in die kruisvuur gewond. Drie verdagtes kon egter deur die polisie gearresteer word,  terwyl Solomon Padi (57) later aan sy beserings in die hospitaal beswyk het.

Die saak is uitgestel tot 9 Julie