Motoriste word gewaarsku dat die pad agter Koppiesdam nou gesluit is weens vloedtoestande. Koppiesdam is tans 124,55% vol nadat dit Sondagoggend 08:00 nog net onder die 100% was, en vanoggend vroeg nog op 104% gestaan het.

Talle huise in die Kwakwatsi-woonbuut by Koppies is die naweek oorstroom, asook in die Saundersville-woonbuurt by Heilbron waar minstens 16 huise oorstroom is.

• Die pad tussen Heilbron en Phiritona is ook steeds ontoeganklik.
• Daar is ook vanoggend gewaarsku oor die R720 Koppies/Edenville grondpad wat weens swaar reën verspoel is. Veral vragmotors kan glad nie die pad gebruik nie.

• R59: Wees bedag op groot en diep slaggate op die gedeeltes by die Vaalpark-afrit, tussen die N1-oorbrug en Parys, tussen Parys en Vredefort en duskant Vredefort in die rigting van Kroonstad.