Die Steynstraat brug wat Heilbron met die Phirotona-woonbuurt verbind, was Maandagaand onder water na swaar reën,  asook die R57 van Petrus Steyn na Heilbron.

Beide die R57 en die Steynstraat-brug was egter vanoggend weer oop na verkeer nadat watervlakke gedaal het.

Let asseblief daarop dat wanneer daar die gevaar is van oorstromings, jy eerder laagwaterbrue, riviere en strome moet vermy waar water sterk sou vloei – selfs al sou dit lyk of die water nie diep is nie. Moet onder geen omstandighede deur vinnig vloeiende water probeer loop of ry nie, omdat jy jou maklik kan misreken met die sterkte van die stroom en diepte van die water.

Gebruik eerder alternatiewe roetes sou daar water oor paaie vloei.